1. Charles par la grace de Dieu Roy de France A nos amez [et] féaux les Généraulx conseille(r)s sur le fait des aides ordonnez po(ur) la guerre

2. es pays de languedoil et languedoc Et les com(m)issaires sur le fait et gouvernement de l'aide p(rése)ntement mis sus pour mectre à n(ost)re

3. subie(ct)ion et obeissan(ce) aucuns de noz subjez Rebelles et Desobeissants Et pour pourveoir à leurs mauvai(ses) entreprises, salut et dilection(1).

4. Nous voulons et vous mandons et à ch(ac)un de vous si comme à lui appartendra que Jean de Pressy n(ost)re trésorier des guerres et

5. des deniers par lui Receu et que présentement il recevra [pour] vous f(ai)res baillez et delivrerA nos amez et féaulx clercs Raymon Raguier

6. maistre de n(ost)re chambre aux deniers Et Guill(aum)e Budé maistre de noz garnisons de vins La somme de quinze mil deux cens frans

7. Laquelle som(m)e nous leur avons ordonn(ée) et ordonnons estre baillée pour tourner et convertir en la despen(se) ex(tra)ordinaire que nous entendons

8. faire au mois de may prouch(ai)n ven(ant) en l'armée que nous mettrons sus à l'encontre de nos ennemiz. c'est assavoir audit maistre de

9. n(ost)re chambre aux deniers tant pour n(ost)re despen(se) ex(tra)ordinaire dudit mois com(m)e pour certains achaz de toutes nappes tonnelles boisseaux

10. de cuisvre vaisselle destain barils po(u)r gode(t)s de tain et autres choses nécessaires pour n(ost)re dit voiage   La somme de douze mil deux cens

11. frans Et au maistre de noz garnisons de vinspour les faiz de son office pour ledit mois trois mille frans Et rapportant ces

12. p(rése)ntes et quictan(ces) des dessus diz noz officiers tant seulement nous voulons et nous plaist la d(i)te som(m)e de XVmiict frans estre allouée

13. es comptes et rabatue de la recette de n(ost)re dit trésorier par noz amez et féaulx gens de nos comptes à Paris sans aucun contredit car

14. ainsy nous plaist il estre fait. Non obstant quelconques ordonnances mandements ou deffenses à ce contraire. Donné A paris Le

15. XXIIe jour d'avril L an de grace mil quatre cens et diouze Et de n(ost)re règne le XXXiime

16. Par le Roy en son conseil au quel mes(sire)s les ducs de

17. guienne de Bourg(ogne) les contes de Mortaing et de

18. Nevers vu et outres c(e)st p(résents)